चेतन ग़ज़ल

દિલ મહીં બસ ગમ રહે છે, શું કરું.
રોજ ને હરદમ રહે છે, શું કરું.

રોશની છે કેટલી એના ઘરે!
આ તરફ બસ તમ રહે છે શું કરું

ફોડીને બમ, એ બધા ભાગી ગયા.
હર ઘરે મતમ રહે છે, શું કરું.

મુંબઈ છો આમ ઊભી થૈ ગઈ.
ખોફનો આલમ રહે છે શું કરું.

એ દિલાસો આપીને ચાલ્યાં ગયાં
આંખડી તો નમ રહે છે શું કરું

શ્વેત કપદાં પ્હેરી શ્રદ્ધાની અંજલી
દાગ મય દામન રહે છે શું કરું

ઘાવ પણ નાસૂર થૈ જાતા અહીં
ક્યાં હવે મરહમ રહે છે, શું કરું

નામ મઝહબ્નું ભલે ચેતન તું લે!
ભીતરે દાનવ રહે છે, શું કરું.